ახლა ,,აპლიპიხის" ზეთი მისვია თვალების გარშემო და რეკლამის დამთავრებას ველოდები ,,ჩემი ცოლის დაქალებს” ვუყურებ. მერე ნინო დამიმესიჯებს - ისე მართლა მოგწონს ეს დემნა? დიტო რა კაცია! მეც მივწერ -კაი რა , რა დიტო:) დემნა რა კაცია! მერე გამეცინება და მეორე სმს უკვე ხარხარი იქნებაა, ხარხარი მოვა ნინოსგანაც:))
დემნა თუ დიტო - სამსახურშიც გრძელდება. არა, სამსახურში დათოც ემატება. გათხოვილი ქალები ამატებენ, სანამ უცებვე არ გაგვახსენდება, რომ ბევრი საქმე გვაქვს და ოთახში სიწყნარე ისადგურებს.
საღამოს სადმე დავჯდებით მე და ნინო და ლუდს დავლევთ. ნინოს ეკიდება გვარიანად, მე არა. ვიწუწუნებთ, რომ რატომ ვართ მარტო, როცა მიმტანი რაიმეს მოიტანს რაც ჩვენ არ შეგვიკვეთია და გვეტყვის გამოგიგზავნეს ან თქვენი გადახდილია, ვბრაზდებით და ვიწყებთ - ნორმალური აქ არავინ ზის და ნეტავ ვინ გამოგვიგზავნა! მალევე ვდგებით დიალოგით - წამო რაა, ახლა არავინ ჩამოგიჯდეს, არავის თავი არ მაქვს. ვტოვებთ ბარს და მოვდივართ.
გზაშიც ისევ ვწუწუნებთ სიმარტოვეზე და სახლებში მივდივართ.
