ამერია

ამეშალა გუშინ საგანგებოდ დავარცხნილი დალალები.
ამიცეტდა გონება ორი ჭიქა კონიაკის შემდეგ.
ამეხილა თვალები ბევრ რამეზე და ვინმეზე.
ამერია დღე და ღამე, ციკლი.
,,ამ ბოლო დროს ყველაფერი ამერია”.

ქურდი

ღამის ოთხის ნახევარია, არ მძინავს. ფანჯარაზე კაკუნია, ჯერ ნელა, მერე მოუხშირა, ბრახუნშიც გადავიდა. მინა აზანზარდა. საძინებლის ფანჯარაში ვიღაცას შემოღწევა უნდა. საბანი ნიკაპამდე მაქვს აფარებული და ფანჯარას უყურებ. ლანდი წამოვა, ბრახ ! მოასკდება ჩემს მინას, მერე უკან გადადის ისევ უკან ბრუნდება. არც მინა ტყდება და არც შუაღამის სტუმარი, ორივე ჯიუტობს. მოურიდებლად, ავხორცი მამრივით ოთახში შემოჭრას ლამობს ქარი. გარეთ გრიგალია!

ახლა არც ლექსს ვწერ და არც დღიურს, უბრალოდ . . .
საქართველოს იუსტიციის უმაღლეს საბჭოსა და საქართველოს საერთო სასამართლოებში მოქალაქესთან კომუნიკაციის სტანდარტები

მუხლი 3. პრინციპები
ა.
ბ.
გ
ე. უწყვეტობა - ანუ უწყვეტი კავშირი მოქალაქესა და მოსამართლე, მანდატურს . . . შორის?!

მუხლი 4. კომუნიკაციის დაწყება

მოქალაქის მიღებისას მოხელე ვალდებულია;

ა. დაამყაროს მასთან თვალებით კონტაქტი და გაუღიმოს ( აუუ ეს მომეწონა, გამოდის, რომ მანდატურ -მოსამართლე თვალების ენასაც უნდა ფლობდნენ. კაპას ქალებთან თვალები არ მოჭუტოთ, ვაითუ სხვანაირად გაიგონ! ქალი მოხელემ თვალები სითბოთი უნდა აივსონ, ოღონდ რაღაც დოზით ვაითუ მამაკაცებმა ესეც სხვანაირად გაიგონ!

ე. აგრძნობინოს მას კეთილგანწყობა (ესეც კარგია, მერე მიიღებენ სარჩელებს მოსამართლე წარბშეჭმუხნული დამხვდა და ვერ ვიგრძენი მისი სითბო, ხელი მკაცრად ჩამომართვა და თან გაყინული ჰქონდა)

მუხლი 18. ტანსაცმელი

6. როგორც ქალი, ისე კაცი მოხელეებისთვის აკრძალულია მოკლე შარვლის ტარება.(დადიან ეტყობა და)

7. კაბა, რომელსაც ქალი მოხელე ატარებს,( მინიშნებაც კარგია! ! ! ) არ უნდა იყოს ღრმად ჩაჭრილი და არ უნდა სცდებოდეს მის მუხლებს.( თუ აცდააააა, მტრისას! არც დაჯდომისას არ უნდა გამოჩნდეს მუხლისთავი ეტყობა, ბაბუაჩემმა დაწერა მგონი ეს მუხლი, თუმცა თვითონ ოფიციალურად სამი ცოლი ყავდა და არაოფიციალურს მე არავინ მეუბნებოდა)

8. ქალი მოხელეებისათვის დაუშვებელია ღრმად ჩაჭრილი ზედატანის ტარება. ( ეტყობა ვიღაცას მეტის მოთმენა აღარ შეუძლია, ხოდა აკრძალა, არადა რას გიშლის როგორც ბაბუაჩემი იტყოდა ,,თვალს ახარებს ჩემო ბატონო”)

აუუუ გაუტიეეეეეეეეე

უყვარს ზღვა, მზე, ტალღები და შარი - შური.
არ უყვარს სიცივე და ვერ გაუგია რაა თეთრი შური.
ეძებს ნისლიან ამინდში მზეს და ელოდება როდის გამორიყავს ზღვა ბოთლიან წერილს.
უკანკალებს ხმა სიმღერისას და მუცელს კუმშავს წელზე მოფერებისას.
ტუჩის საცხს არ ხმარობს, ჟარგონებს იცოცხლე!
იგუდება კორპუსში, თუმცა კი იქ უწევს ცხოვრება.
ხუმრობს ზოგჯერ მწარედ, მაინც კი არ იშლის.
თმას ნულზეც იპარსავს,ეკლესიაშიც დადის.
იმოსება ათასფრად, ჩანთა წითელია, ბოტასი სტაფილოსფერი, შარვალი ნაცრისფერი და ქურთუკი ყვითელი, ხანაც შავი და ნაცრისფერიც.
კითხულობს ყველაფერს და წერს ყველაფერზე, ,,სალფეტკზეც” კი.
ბევრს არ უყვარს, არც თვითონ გიჟდება ყველაზე.
სიტყვა ყველაზე -ს შემდეგ ადვილია გადასვლა ყველზე, რძეს არ სვამს ყველზე კი აბოდებს.
საშინლად ზარმაცია. სანამ კვერცხი არ მოადგება, მანამდე არ აკაკანდება.
ვერ ერკვევა ტექნიკაში და ვერაფერი გაუგო ჩინურ დამწერლობას.
ბავშვობაში ძმებთან ერთად თამაშობდა ომობანას, სულ პარტიზანი იყო.
პეპლების სასაფლაო ჰქონდა და ნათურის სითბოზე ჩამოცვენილ პეპლებს იქ მარხავდა.
21 ზომა სტაფილოსფერი ,,ვალინკები” ახლაც შენახული აქვს.
უამრავი ფოტო აქვს ბავშვობის, თვლის, რომ მაშინ ლამაზი იყო.
გრძელი ცხვირი აქვს, ოპერაციის გაკეთებას გულშიც კი არ ივლებს.
თმაზე ბებიის ნასწავლ მეთოდს ხმარობს და ხშირად ძმარს ივლებს.
ვერ სვამს ღვინოს და სვამს ერთი გადაკვრით არაყს.
აუუ გაუტიეეეეეეეე

კმაყოფილება - თავი პირველი

ნიძლავი წავაგე - ქუჩაში რიგითი შემხვედრებისთვის დამესვა კითხვა.

ქუჩა - თქვენ გაკმაყოფილებთ თქვენი ქმარი? ისმის წივილი რა მკითხეეეეე! ! ! დეგენერატო.ფუუ! ვინ ხარ? რა აზრი გაწუხებს! ! ! ვეცლები სწრაფად.
ქალი დაუკმაყოფილებელია, უფრო სწორად მოუფერებელი, თორემ ასე რამ გადარია? ვფიქრობ ჩემთვის და გამვლელ კაცს ვაჩერებ - თქვენ გაკმაყოფილებთ თქვენი ცოლი? კაცმა ერთი ამათვალიერა და მეუბნება ცოლს კი და არ გინდა ეს კმაყოფილება შენც გამოსცადო? ოოოოოო რას მკადრებთ! ! ! ვუწივივარ მე, ფუუუუუუუ ზიზღით ვუყურებ და სწრაფადვე ვშორდები.

ახალგაზრდა გოგოები მოდიან - იგივე კითხვას ვუსვამ. მე გათხოვილი ვარ, ანუ რას მეკითხები! -ისმის მის ხმაში.ხოდა გაკმაყოფილებთ თქვენი ქმარი? -ვაგრძელებ დაჟინებით, კიი, კიი იბნევა გოგო. კი მაკმაყოფილებს, დილით ფულს მიტოვებს საჭმელისთვის. მერე? დამაინტერესა მე და ვეკითხები. გოგო მშვიდად მპასუხობს - საღამოს მოდის სამსახურიდან დაღლილი და ყველაფერს მზად ვახვედრებ, მერე ვგრძნობ, რომ უკვე ვთავხედობ და გოგოს ვაქეზებ,ისიც აგრძელებს. გურამი არ სვამს, მუშაობს, ფულს მაძლევს, სახლში მოდის ჭამს და იძინებს, ასეთი ქმრის კმაყოფილი რატომ არ უნდა ვიყო? ახლა აქეთ მისვამს კითხვას. თვალები აქვს დიდი, ლურჯი და მიყურებს რას უპასუხებ. ოოო თქვენ ნამდვილად კმაყოფილი უნდა იყოთ, ვუღიმივარ და სწრაფად ვშორდები ირონია არ შემამჩნიოს. ისე მეც რამ გადამრია, ვფიქრობ და კითხვის დასმის სურვილიც მიქრება.

რა ნიძლავი აგვიტყდა და საერთოდაც ვინ მოიგონა ეს კითხვა? გავბრაზდი უცებ.
გოგოებმა ათი კაცისთვის უნდა დაგესვა ეგ კითხვაო ამიქოთქოთდნენ.
დავიკიდე. ახლა სახლში ვზივარ და ვფიქრობ - ეს კითხვა ჩემთვის რომ დაესვათ რას უპასუხებდი? ან საერთოდ როგორ მოვიქცეოდი?

გაგრძელება ,,სლედუეტ”